कोंदण... 31/12/2021

झाले  गेले  सारेच क्षण
निरोप गं द्यायला  आलेले
सरता वर्षे  पलिकडे गेला
अपरिहार्य  गं जाणे आम्हा  झालेले
            काही  क्षण आठवणी गोड
             जाता म्हटले ठेव गं ओढ
             काही  क्षण होते रडत
              उणीव जाणार्‍यांची होते गाळतं
काहि क्षण डोळ्यांमागे
हसत अलगद लपून गेले
कसे न सांगू गोड  गुपीत
आपले असे जपून नेले
                काहि क्षण मिठी घेऊन
                आनंद अश्रृ  गाळत गेले
                काही क्षणांना हाथ जोडूनी
                माफ करा मी म्हणत गेले
सरत्या वर्षाने जाता जाता
अनुभवाचे गाठोडे सोडून  दिले
ऋणानुबंधानी मन भरून
नववर्षाचे स्वप्न देऊ केले
                झाले  गेले  होते  सोडायचे
                असे आठवात उरून गेले
                क्षण सारे कुठे गं सुटता
                 आठवांच्या कोंदणात दडून गेले

🍁🍁🍁🍁🍁🍁🍁🍁🍁🍁🍁🍁🍁

                       शाही..... ✍️✍️